Numërohet gjysma e votave për Asamblenë e Prishtinës: LDK prin, pas saj PDK dhe VV

Procesi i numërimit të votave për kandidatët e Kuvendit Komunal të Prishtinës ka arritur në rreth 50 për qind të votave. Sipas rezultateve të publikuara nga Komisioni Qendror i Zgjedhjeve në webfaqen zyrtare, aktualisht LDK po kryeson si partia e parë me 29.63% të votave. Pas saj renditen PDK me 22.26%, Lëvizja Vetëvendosje me 21.43% dhe AAK me 10.38%.

Nga lista e LDK-së, më të votuarit janë:

Përparim Rama – 13,061 vota

Bekim Gashi – 750 vota

Bujar Gashi – 634 vota

Milazim Vitija – 615 vota

Fadil Aliu – 428 vota

Në PDK, pesëshja më e votuar përbëhet nga:

Uran Ismaili – 9,815 vota

Agron Canolli – 490 vota

Leutrim Retkoceri – 406 vota

Besianë Musmurati – 405 vota

Ilirik Musliu – 382 vota

Ndërkohë, më të votuarit nga Lëvizja Vetëvendosje janë:

Mrika Limani Myrtaj – 9,446 vota

Gëzim Sveçla – 658 vota

Jeta Bujari – 508 vota

Feim Osmani – 411 vota

Berita Abazi Muhadri – 331 vota

Tek AAK, renditja udhëhiqet nga:

Bekë Berisha – 4,576 vota

Kreshnik Smajljaj – 351 vota

Yll Bogaj – 325 vota

Endrit Gashi – 315 vota

Burhan Pajaziti – 237 vota

Ndërkohë, në garën për kryetar të Prishtinës, do të ketë balotazh mes Përparim Ramës nga LDK dhe Hajrulla Çekut nga Vetëvendosje.